Përfaqësues të Këshillit të Qarkut Tiranë morën pjesë në mbledhjen e radhës të Tryezës Teknike për Luftën kundër Trafikimit të Qenieve Njerëzore, zhvilluar në Prefekturën e Tiranës.
Takimi u fokusua në bashkërendimin e punës ndërmjet institucioneve për menaxhimin e rasteve të fëmijëve në situatë rruge, si dhe në forcimin e mekanizmave të mbrojtjes për personat në rrezik trafikimi.
Bashkëpunimi ndërinstitucional dhe koordinimi i veprimeve mbeten thelbësore për identifikimin në kohë të rasteve në nevojë dhe garantimin e mbrojtjes së personave vulnerabël.
