Në mbledhjen e Këshillit Konsultativ mes qeverisjes qendrore dhe asaj vendore u diskutuan një sërë projektvendimesh që lidhen me fushat e kujdesit social, mjedisit, arsimit dhe sektorë të tjerë me ndikim të drejtpërdrejtë në jetën e qytetarëve.
Kreu i Qarkut Tiranë, Aldrin Dalipi, theksoi rëndësinë e dialogut të vazhdueshëm mes institucioneve, si një element kyç për hartimin e politikave dhe vendimeve që i përgjigjen nevojave të komunitetit.
Takimi shërbeu si një hapësirë bashkëpunimi dhe konsultimi ndërinstitucional, me synimin për të garantuar një proces vendimmarrjeje sa më transparent, gjithëpërfshirës dhe të orientuar nga interesat e qytetarëve.
