Në Bruksel, gjatë Javës Europiane të Rajoneve dhe Qyteteve, u zhvillua takimi me temë zbatimin e Paktit për Mesdheun dhe përafrimin e politikave europiane me nevojat dhe sfidat konkrete të territoreve.
Në këtë takim, me pjesëmarrjen e Komisioneres Europiane Dubravka Šuica dhe përfaqësuesve të institucioneve europiane, lokale dhe rajonale, u diskutua mbi rëndësinë e bashkëpunimit shumëpalësh dhe rolin e rajoneve në zbatimin e politikave europiane.
Diskutimet u përqendruan te sfidat e përbashkëta të rajonit të Mesdheut, nevoja për koordinim më të mirë institucional dhe krijimi i mundësive konkrete për bashkëpunim, me qëllim forcimin e lidhjeve dhe zhvillimin e qëndrueshëm të territoreve.
Përfshirja aktive e autoriteteve rajonale dhe lokale mbetet thelbësore për të garantuar që politikat dhe nismat europiane t’u përgjigjen nevojave reale të komuniteteve.
