Diskutime me pedagogë dhe studentë të Universitetit “Eqrem Çabej” mbi rolin e Komitetit të Rajoneve dhe politikat e kohezionit social
Proceset e integrimit europian për sa i përket qeverisjes lokale dhe rajonale drejt Bashkimit Europian ishin në qendër të diskutimit në forumin e zhvilluar me pedagogë dhe studentë të Universitetit “Eqrem Çabej”.
Forumi me temë “Roli i Komitetit të Rajoneve dhe Qeverisja Vendore Shqiptare”, i organizuar nga projekti EU4EduGovRegAL, u fokusua në rëndësinë e forcimit të bashkëpunimit institucional dhe përafrimit me standardet europiane.
Gjatë diskutimeve u theksua nevoja për bashkëpunim më të ngushtë ndërmjet institucioneve që u shërbejnë komuniteteve, zbatimi i politikave të kohezionit social, si dhe rritja e angazhimit të të rinjve në iniciativa dhe projekte europiane.
Takimi u vlerësua si një hap i rëndësishëm në nxitjen e dialogut akademik dhe institucional mbi të ardhmen e qeverisjes vendore në procesin e integrimit europian.
