Përfundon vlerësimi i dëmshpërblimeve për 200 familje të tjera të dëmtuara nga tërmeti

Pas miratimit të 1000 emrave në mbledhjen e kaluara, Këshilli Bashkiak i Tiranës miratoi mbrëmjen e djeshme edhe listën tjetër me 200 emra që përfitojnë dëmshpërblime për dëmet e tërmetit të 21 shtatorit, duke e çuar në mbi 1200 numrin e familjeve që do të dëmshpërblehen.

Për shkak të situatës emergjente të krijuar, është punuar me orar të zgjatur dhe për një pjesë të madhe të praktikave ka përfunduar edhe procesi i vlerësimit nga grupi i ekspertëve në Këshillin e Qarkut, të cilat janë përcjellë nga ky institucion në Drejtorinë e Emergjencave Civile, Bashkia Tiranë.

Kryetari i Bashkisë në fjalën e tij ndërsa falënderoi kreun e Qarkut Aldrin Dalipi tha se Këshilli i Qarkut Tiranë ka dërguar pranë Këshillit Bashkiak listën me 200 dosje të tjera në një kohë rekord.