Mblidhet Këshilli Konsultativ, diskutime për bashkërendim Qeveri Qendrore-Qeveri Vendore, vendime sociale në shërbim të qytetarëve

Këshilli konsultativ Qeveri qendrore – vetëqeverisje vendore zhvilloi sot takimin e radhës duke diskutuar disa tema të rëndësishme.
Në cilësinë e zëvendësministrit të Brendshëm, znj. Romina Kuko, hapi diskutimin për VKM për miratimin e hartës së përditësuar të kufijve administrativo-territorial, të VKM-së së Njësive të Vetëqeverisjes Vendore.
Gjithashtu zonja Kuko bëri një ekspoze të punës për përcaktimin e rregullave të bashkëpunimit midis administratorëve të ndërtesave të banimit, Njësive të Vetëqeverisjes Vendore dhe Policisë së Shtetit.
Znj. Adriana Jaku, Zv/Ministër i Shëndetësisë dhe Mbrojtjes Sociale foli për VKM për procedurat e kryerjes së kontrollit të veprimtarisë dhe të zbatimit të legjislacionit për ndihmën ekonomike dhe aftësinë e kufizuar në strukturat e varësisë së shërbimit social shtetëror dhe pranë njësive të vetëqeverisjes vendore.
Ndërsa, znj. Ornela Çuçi, Zv/ Ministër i Turizmit dhe Mjedisit u fokusua te VKM për miratimin e dokumentit të strategjisë kombëtare dhe planeve të veprimit për zbutjen e gazeve me efekt serrë (NMP) dhe përshtatjen ndaj ndryshimeve klimatike (NAP)”, etj.
Gjatë mbledhjes u bë dhe prezantimi për projektligjin për Rininë ku u fol gjerësisht për VKM për kriteret për përcaktimin e njësisë së vetëqeverisjes vendore, numrit thelbësor dhe kërkesës së mjaftueshme të personave të pakicave kombëtare, për t’u arsimuar në gjuhën e pakicës.