Me vendim të kryesisë së Shoqatës së Këshillave të Qarqeve të Shqipërisë u emërua si Drejtoreshë Ekzekutive e SH.K.Q.SH. znj. Elidiana Canaj.
Znj. Canaj e mori këtë detyrë pas dorëheqjes së Znj.Blerina Guga, e cila qëndroi në këtë detyrë për tre vjet.
Znj. Canaj në karrierën e vet ka kontribuar për institucionin e Këshillit të Qarkut, si Kryetare e Këshillit të Qarkut të Tiranës gjatë viteve 2000-2004, ndërkohë ka udhëhequr Shoqatën e Këshillave të Qarqeve të Shqipërisë gjatë periudhës së mësipërme si Kryetare.
Njëkohësisht znj. Canaj ka qenë anëtare dhe Sekretare e Delegacionit të Shqipërisë në Kongresin Europian të Autoriteteve Lokale dhe Rajonale në Strasburg në Këshillin e Europës.
Znj. Canaj ka pasur një rol të rëndësishëm dhe aktiv për promovimin e institucionit të Këshillit të Qarkut në projektet ndërkombëtare dhe diskutimet mbi procesin e decentralizimit të qeverisjes vendore, gjatë mandatit të saj.
Mban gradën shkencore “Doktor në fushën e Shkencave Sociologjike” si dhe titullin pedagogjik shkencor “Docent” të Ekonomisë dhe Agrobiznesit.
Ajo ka dhënë një kontribut në fushën akademike në Fakultetin e Ekonomisë dhe Agrobiznesit, ku aktualisht vazhdon të jetë Lektore e jashtme në fushën e Sociologjisë Rurale.
