Më 21 Qershor 2018, Sekretariati i AER ishte në Korçë për Seminaret e Financimit të BE, organizuar nga rajoni anëtar Korçë, me pjesëmarrjen e 12 rajoneve shqiptare.
Eventi dha mundësinë të theksohej roli që bashkëpunimi rajonal mund të ketë dhe të zhvillojë në programet dhe mundësitë e financimit që mund të kenë qasje rajonet shqiptare.
Fuqia e rajoneve Eventi filloi me fjalime hyrëse të cilat theksuan rëndësinë e rajoneve, bashkëpunimin ndër-rajonal dhe punën brenda rrjetit.
Ndërsa Mathieu Mori kujtoi se duke punuar së bashku është e dobishme për të bërë përparim në negociatat e qasjes, Aldrin Dalipi, Presidenti i Tiranës dhe Presidenti i Shoqatës së Qarqeve të Shqipërisë ilustroi rëndësinë e përfshirjes së të gjithë aktorëve të një zone dhe tregoi se si Korça është simbol i një qyteti që ka arritur të mobilizojë fonde të ndryshme për zhvillimin urban.
Kryetari i Bashkisë së Korçës, Sotiraq Filo, prezantoi sfida të ndryshme me të cilat përballen bashkitë shqiptare ndaj standardeve të BE-së, por edhe kënaqësinë ndaj bashkëpunimit që qyteti ka arritur me bashki të ndryshme falë fondeve të BE. Kjo mishëron në mënyrë të përkryer se si financimet dhe bashkëpunimi kontribuojnë te njëri-tjetri.
Së fundmi Brian Greenslade deklaroi se roli i rajoneve për të ofruar shërbime për qytetarët është nënvlerësuar.
Ashtu si AER po mbron, rajonet kanë nevojë të njihen më mirë. Programet dhe mundësitë e financimit Pika kyçe të eventit ishin programet dhe mundësitë e financimit në të cilat mund të kenë qasje rajonet shqiptare.
Përveç Erasmus +, Horizon 2020, COSME, Europa për qytetarët, Ministria për Evropën dhe Punët e Jashtme shfaqi disa programe bashkëpunimi.
Nga njëra anë, u prezantuan programet e bashkëpunimit ndërkufitar, të cilat përfshijnë programe dypalëshe me Kosovën, Maqedoninë, Malin e Zi dhe Greqinë. Vlen të theksohet se për secilin nga këto programe dypalëshe synohen objektiva specifike. Për shembull, me Greqinë, objektivat janë bashkëpunimi ndërkufitar dhe qëndrueshmëria rajonale, dhe brenda thirrjes së parë, do të zbatohen 4 projekte.
Nga ana tjetër, u theksuan programet transnacionale, të cilat përfshijnë Adriatik-Ionian, Interreg Balkan Mediterranean ose Interreg Med.
Pas këtij prezantimi, të gjithë anëtarët patën mundësinë të njiheshin me një pasqyrë të qasjes në Financimin e BE-së në Shqipëri.
Së pari, vetëm 1/3 e qyteteve kanë qasje në fondet e BE. Sfida aktuale për Shqipërinë është ndërtimi i kapaciteteve dhe informimi i aktorëve relevantë për mundësitë e financimit. Jolanda Trebicka, udhëheqëse e ekipit të projektit Bashkia për Evropën gjithashtu theksoi praktikat e mira për të shpërndarë informacion mbi financimin e BE. Kështu, koordinatori lokal informon komunitetin lokal, zyrat e informacionit janë në kontakt me ministritë në Evropë dhe kështu kanë informacion përpara se të publikohen thirrjet dhe organizohen disa evenimente: për shembull, në praktikat e Tiranës janë shfaqur praktikat e menaxherëve të projektit që përfshijnë më shumë aktorë në projekte.
Sekretariati i AER-së kishte kënaqësinë të ndante informacion se si mund të kontribuojnë në ndihmën për rajonet që të kenë qasje dhe të dorëzojnë propozimet e projektit. Për t’u mbajtur mend Informimi rreth mundësive është i rëndësishëm për të lejuar rajonet, komunitetet lokale dhe aktorët e ndryshëm të përfitojnë nga mundësitë e financimit. Rajonet dhe bashkitë shqiptare kanë qasje në mundësi të ndryshme financimi dhe ky event ishte një mjet për të rritur ndërgjegjësimin.
Ky event ishte një moment i suksesshëm për AER dhe rajonet shqiptare për t’u njohur me njëri- tjetrin, për njohjen dhe shkëmbimin reciprok të përvojave. Siç përfundon Brian Greenslade, nxirrni maksimumin nga rrjeti dhe mbani mend se së bashku rajonet janë më të forta.
