Shpallen fituesit e konkursit “Praktikat e mira” për vitin 2020

Ministria e Brendshme dhe Agjencia për Mbështetjen e Vetëqeverisjes Vendore, me mbështjetjen e projektit të Ambasadës së Zvicrës “Bashki të Forta”, organizuan ceremoninë e shpalljes së Fituesve të Konkursit të Praktikave të Mira: Edicioni2020.
Pjesë e kësaj ceremonie ishte dhe Kryetari i Këshillit të Qarkut Tiranë njëkohëshisht dhe i Shoqatës së Këshillave të Qarqeve të Shqiperisë z.Aldrin Dalipi për të dhënë çmim në kategorinë risi këtë vit “Demokracia Vendore”. Fitues u shpallen Këshilli bashkiak Shkodër me motivacionin “ Për përmirësimin e procesit të informimit dhe konsultimit publik për aspektet të financave publike rritjen e transparences dhe perdorimin e mjeteve të teknologjisë dhe informacionit “,Bashkia Delvinë me motivacionin “ Për përmirësimin e organizimit të brendshëm dhe procedurave të vendimarrjes të këshillit bashkiak për trajtimin e kërkesave, ankesave të qytetareve dhe komunikimeve me publikun , me mediat, si dhe rritjen e transparencës “, Bashkia Skrapar me motivacionin “ Për permirësimin e organizimit te brendshëm dhe procedurave të vendimarrjes të keshillit bashkiak për trajtimin e kërkesave, ankesave të qytetareve dhe komunikimeve me publikun , si dhe rritjen e transparencës “.
Pjesëmarrës në takim ishin Zevendësministër i Ministrise së Brendshme znj.Romina Kuko, Ambasadori i Zvicres z. Adrian Maitre dhe përfaqësues i Unicef Albania z. Roberto de Bernardi.
Më poshtë fjalimi i plotë z. Aldrin Dalipi:
“Ka qënë në fakt një vit i vështirë,na është dashur shumë që të ndryshojmë qasjen e mënyrave të komunikimit të këshillave vendorë, dhe sinqerisht do të doja shumë të falenderoja qeverinë zvicerane, ambasadën zvicerane dhe projektin Bashki të Forte që krijoi një dritarë të jazhtëzakonshme komunikimi transparent të këshillave vendore që në fakt është një lloj revolucioni në jo vetëm komunikim por në konceptin e një demokracie funksionale në të cilat jemi. Pa dyshim që sfidat janë vërtet të forta në vazhdim, të gjithë po përpiqemi ti japim kontributin tonë. Ajo çka kemi vënë re qoftë në Këshillin Konsultativ, qoftë në projektet e përbashketa është një angazhim konkret i këshilltareve që janë shumë aktiv dhe do të doja që fokusi ynë të vazhdojë në këtë drejtim sepse në fund të fundit janë zëri përfaqesues i qytetareve dhe ne e dimë të gjithë se demokracia vendore është në fakt ekuilibri më i forte për demokracinë qendrore. Pa demokracinë vendore nuk mund të kemi një demokraci qëndrore funksionale.”
Ju falenderoj shume nga zemra per gjithcka qe keni bere dhe do vazhdojme te bejme sebashku!”