Kreu i Këshillit të Qarkut Tiranë, Aldrin Dalipi, zhvilloi një vizitë pranë projektit për ofrimin e karrigeve me rrota për personat me aftësi ndryshe, në kuadër të bashkëpunimit me strukturat që mbulojnë çështjet sociale në nivel rajonal dhe vendor.
Gjatë vizitës, drejtuesja e projektit prezantoi punën e përditshme të ekipit, i cili me përkushtim punon për të garantuar barazi, përfshirje dhe lehtësi në jetën e përditshme të personave me aftësi ndryshe. U vlerësua gjithashtu profesionalizmi i stafit, angazhimi logjistik dhe mbështetja e donatorëve ndër vite.
Projekti u ka ardhur në ndihmë rreth 1,000 personave, duke sjellë një ndikim të prekshëm në përmirësimin e cilësisë së jetës së tyre.
Kreu i Këshillit të Qarkut Tiranë, Aldrin Dalipi, theksoi se mbështetja për shtresat në nevojë dhe forcimi i shërbimeve sociale mbeten një prioritet i institucionit. Ai nënvizoi se, falë financimit të Qeverisë Shqiptare dhe administrimit të Këshillit të Qarkut Tiranë, këto shërbime do të vijojnë të forcohen dhe të shtrihen sa më pranë qytetarëve në të gjithë territorin e qarkut.
