Qarku Tirane

Shpallen fituesit e Çmimit të Filantropisë 2015

Published at : 07/12/2015 - 13:04

Partnerët Shqipëri akordoi çmimet e vitit në Filantropi sot në mbrëmje, në mjediset e hotel Rogner në Tiranë.

Çmimi i Filantropisë është një çmim në nivel mbarë kombëtar, që vlerëson dhe shpreh mirënjohjen e falënderimin për individët e bizneset që kontribuojnë për përmirësimin e cilësisë së jetës në vend.

Çmimi për Kontribut në Nivel Lokal i'u akordua kompanisë Kassel, me motivacion: Për kontributin e dhënë në mbështetje të edukimit dhe mirëqenies së fëmijëve nëpërmjet përmirësimit të infrastrukturës dhe rinovimit të mjediseve të brendshme të çerdhes “Lulet e Jetës” në Tiranë.

Çmimi u dorëzua nga z.Aldrin Dalipi, Kryetar i Qarkut Tiranë dhe Këshillit Bashkiak të Tiranës.

Gjatë fjalës së tij zoti Dalipi theksoi se “kjo është një histori e thjeshtë, por nëse bëhet e ditur edhe jashtë kësaj salle merr përmasa të tjera dhe është një shembull për t’u ndjekur.“

Çmimi për Kontribut në Nivel Kombëtar iu akordua Alpha Bank Albania.

Çmimi për Kontributin si Individ iu akordua Z. Ismail Keta dhe Z. Gjetan Keta.

Certifikatë Mirënjohjeje iu akordua Znj. Zoje Jakaj.

Të pranishëm në ceremoni ishin përfaqësues të sektorit të biznesit, medias, organizatave vendase dhe të huaja, dhe përfaqësues të pushtetit vendor e qendror në vend.