Qarku Tirane

Projekt për vendqëndrimet e autobusëve për nxënësit dhe banorët në ish-komunat e Tiranës

Published at : 23/06/2017 - 14:08

Të gjitha Njësitë Administrative të Bashkisë së Tiranës do të kenë stacione për autobusët e linjave urbane.

Këshilli i Qarkut Tiranë ka nisur implementimin e projektit për ndërtimin e stacioneve të linjave urbane të cilat do të sjellin një impakt të drejtpërdrejtë në rritjen e cilësisë së shërbimit ndaj qytetarëve, duke ofruar kushte moderne, shpejtësi dhe korrektesë në respektimin e orareve.

Zbatimi i projektit ka nisur nga Njësia Administrative Pezë, ku kreu i Qarkut dhe Këshillit Bashkiak të Tiranës, Aldrin Dalipi, dhe kreu i Bashkisë Tiranë, Erion Veliaj, inspektuan stacionet e para që do të lidhin Tiranën me të gjitha zonat rurale.

Nisma do të shtrihet në të gjitha Njësitë Administrative, nga njësitë më të afërta e deri tek ato më të largëta të bashkisë.